ජල ස්නානයේදී දරුවන්ට සතුට ගෙනදෙන Bath Bombs
ජල බිඳු අතරින්,
සිඟිති සිනාසෙන හඬ ඇසෙන වෙලාවක,
පුංචි මැජික් බෝලයක්,
ඒ සතුට දෙගුණ තෙගුණ කරන අපූරුව.. 🛁✨
***
මේ ලිපිය, @WhatsUpMOMS යූටියුබ් චැනලයේ DIY | Perfect Bath Bomb Recipe වීඩීයෝව ඇසුරින් සකසන ලද ලිපියකි.
Cover image credit goes to speechblubs.com
***
🛁 Bath Bombs හදමු!
ඔබේ දරුවන්ට නාන වේලාව වඩාත් විනෝදජනක එකක් කරන්න ඔබට අවශ්යද? එසේනම් නිවසේදීම සාදාගත හැකි Bath Bombs උත්සාහ කර බලන්න! මෙම ලිපියෙන් අපි ඒ සඳහා හොඳම වට්ටෝරුව වගේම, එය තවත් උද්යෝගිමත් කරවන අපූරු රහසක් ද ඔබට කියා දෙනවා. අඩු පිරිවැයකින් පවුලේ සැමට සුන්දර නිර්මාණ කිරීමට අප දක්වන ලැදියාව නිසාම, මේ සඳහා අවශ්ය සියලුම විස්තර මෙසේ දක්වමු.
මේ සඳහා අපට අවශ්ය වන්නේ ද්රව්ය කිහිපයක් පමණයි:
- බේකින් සෝඩා (Baking soda)
- සිට්රික් ඇසිඩ් (Citric acid)
- කෝන් පිටි (Cornstarch)
- එප්සම් ලුණු (Epsom salt)
- සබන් සඳහා භාවිතා කරන වර්ණක හෝ ආහාර වර්ණක (Soap or food coloring)
- ප්ලාස්ටික් මෝල්ඩ් එකක් (Plastic mold)
- එඬරු තෙල් (Castor oil)
- සුවඳ සඳහා එසෙන්ෂල් ඔයිල් (Essential oil)
1. පළමුව, වියළි ද්රව්ය මිශ්ර කරගනිමු
මුලින්ම බේකින් සෝඩා කෝප්ප භාගයක්, බෝලය මෘදු කිරීමට එප්සම් ලුණු කෝප්ප කාලක්, ද්රව්ය එකට බැඳ තබා ගැනීමට කෝන් පිටි කෝප්ප කාලක් සහ bath bomb එකක තිබිය යුතුම ෆිස් (fizz) ගතිය ලබා ගැනීමට සිට්රික් ඇසිඩ් කෝප්ප කාලක් එකතු කරගන්න. දියර ද්රව්ය එක් කිරීමට පෙර මේවා හොඳින් කලවම් (whisk) කරගන්න.
2 දියර ද්රව්ය එක් කරමු
අපි එඬරු තෙල් තේ හැඳි තුනකින් ආරම්භ කරමු. එහි ඇති සුව කිරීමේ ගුණය, සමේ සිදුරු අවහිර නොකිරීම (non comedogenic), දැවිල්ල සමනය කිරීමේ හැකියාව සහ සම තෙතමනයෙන් යුතුව තැබීමේ ගුණය නිසා රූපලාවන්ය නිෂ්පාදන සඳහාත් එය යොදා ගැනේ. ඉන්පසු ඔබ කැමති සුවඳකින් යුත් එසෙන්ෂල් ඔයිල් මේස හැන්දක් එක් කරන්න.
දැන් මෙයට වර්ණක බිංදු කිහිපයක් එක් කරන්න. පමණට වඩා වර්ණක එක් නොකිරීමට වගබලා ගන්න — නැතිනම් ස්නානයෙන් පසුවත් එම වර්ණක යම් කාලයක් සමේ පැවතිය හැක! නමුත් බිය නොවන්න, මෙයින් කෙසේවත් ඔබේ නාන තටාකයේ පැල්ලම් ඇති වන්නේ නැත. අවසානයට වතුර මේස හැන්දක් එක් කර සියල්ල හොඳින් මිශ්ර කරන්න.
3 සියලුම ද්රව්ය එක් කරමු
ද්රව්ය මිශ්ර කිරීමේදී, bath bomb එක නියමිත වේලාවට පෙර ක්රියාකාරී වීම වැළැක්වීම සඳහා දියර වර්ග ඉතා සෙමින් එක් කරන්න. මිශ්රණය ඝන සහ ඒකාකාරී වන තෙක් නොකඩවා විස්ක් කරන්න. මෙය කුඩා දරුවන්ට පවා උදව් කළ හැකි ඉතා සරල ක්රියාවලියකි. මෙහිදී ලැබෙන මින්ට් (mint) පැහැය ඉතා ප්රබෝධමත් පෙනුමක් ලබා දෙයි.
4 මිශ්රණය මෝල්ඩ් එකට දමමු
දැන් ඔබ සතු මෝල්ඩ් (Moulds) පුරවා ගන්න. මේ සඳහා පැරණි ප්ලාස්ටික් සැරසිලි බෝල, සබන් මෝල්ඩ් හෝ ප්ලාස්ටික් බිත්තර වැනි ඕනෑම දෙයක් භාවිතා කළ හැකියි. මිශ්රණය ඉතා තදින් එහි අසුරන්න.
දරුවන්ගේ විනෝදය වැඩි කිරීමට, ඔබට අවශ්ය නම් මෙහි ඇතුළත කුඩා සෙල්ලම් බඩු (surprise) සැඟවිය හැකියි. උදාහරණයක් ලෙස, ජලයේ දිය වූ පසු ස්පොන්ජ් සතෙකු මතුවන කුඩා කරලක් වුවද (capsule) ඇතුළත තැබිය හැකියි. bath bomb එක දිය වූ පසු දරුවාට එය අපූරු අත්දැකීමක් වනු ඇත.
මෝල්ඩ් එක දමා අවසන් වූ පසු එහි හැඩය රැක ගැනීමට එය හොඳින් තද කර වසා දමන්න. මෙය රැයක් පුරා වේලෙන්නට හරින්න, නැතහොත් වහාම භාවිතා කිරීමට අවශ්ය නම් විනාඩි 30ක් ශීතකරණයේ තබන්න.
5 දැන් bath bombs සූදානම්!
මෝල්ඩ් එකෙන් ඉවත් කිරීමට ප්ලාස්ටික් එකේ දෙපසට මෘදු ලෙස තට්ටු කරන්න. දැන් ඔබේ bath bombs භාවිතා කිරීමට හැකියි. ඔබ ඉහත පියවරයන් නිවැරදිව අනුගමනය කළේ නම් ප්රතිඵලය ඉතා විශිෂ්ට වනු ඇත. එමෙන්ම, මෙය මෝල්ඩ් එකේ තිබියදීම ලස්සන රිබන් පටියකින් සරසා ඕනෑම අයෙකුට තෑග්ගක් ලෙස ද ලබා දිය හැකියි.
***
(මෙම අන්තර්ගතයන් උපුටා ගන්නේ නම්, ඒ සෑම විටකදීම ceylonreader වෙබ් අඩවියේ විස්තරය සඳහන් කිරීමට කාරුණික වන්න)
